/ Եկեղեցական տոներ / Սբ. Թեոդորոս Տերոնի հրաշքի հիշատակը

Սբ. Թեոդորոս Տերոնի հրաշքի հիշատակը

Սբ. Թեոդորոս Տերոնի հրաշքի հիշատակը

361 թ. գահ բարձրացած Հուլիանոս Ուրացող կայսրը, Մեծ Պահքը պղծել ցանկանալով, հրամայում է մայրաքաղաք Կոստանդնուպոլսի շուկաներում վաճառվող բոլոր մթերքները գաղտնի ցողել կուռքերին մատուցված զոհերի արյամբ: Հրամանն ի կատար ածելու գիշերը քաղաքի եպիսկոպոս Եվդոքսին զինվորական զգեստներով լուսավոր մի երիտասարդ է հայտնվում` նախազգուշացնոելով հավատուրաց կայսեր դավի մասին.

– Այս օրերին քրիստոնյաները շուկայից թող ոչինչ չգնեն, այլ կուլիփա թող ուտեն, – պատվիրում է զինվորը:

-Իսկ ի՞նչ է «կուլիփան»- հարցնում է զարմացած եպիսկոպոսը:

-Իմ հայրենիքում` Եվքայիտ քաղաքում, խաշած ցորենն են այդպես անվանում:

-Իսկ դու ո՞վ ես:

-Ես Քրիստոսի վկա Թեոդորոսն եմ, -պատասխանում է երիտասարդն ու անհետանում:

Հայտնված զինվորն իրապես սբ. Թեոդորոս Տերոնն էր, ով այս տեսիլքից մոտ հիսուն տարի առաջ էր նահատակվել: Եպիսկոպոսն սքանչելի տեսիլքի մասին տեղեկացնում է քրիստոնյաներին, ովքեր կուլիփա են պատրաստում, և այսպես Հուլիանոս կայսեր նենգ ծրագիրն ի դերև է գալիս:

Դարեր շարունակ Ուղղափառ Եկեղեցին ամեն տարի, Մեծի Պահոց առաջին շաբաթ օրը նշում է սբ. Թեոդորոսի այս հրաշքը և հավատացյալների համար կուլիփա օրհնում:

 

 

 

Սբ. Թեոդորոս Տերոնի հրաշքի հիշատակը